Parashikimi i motit për këtë vikend

Ja parashikimi i motit për vikend ( 27 & 28 dhjetor, 2025), sipas Institutit Hidrometeorologjik të Kosovës.

E shtunë – Do të mbajë mot i vranët dhe me intervale me diell. Vranësirat në viset e larta malore parashihen të sjellin riga dhe fjolla të dobëta bore. Temperaturat minimale do të lëvizin ndërmjet -3 deri -1 grade Celsius, ndërsa maksimalet e ditës parashihen të lëvizin ndërmjet 2 -4 gradë Celsius. Do të fryjë erë e lehtë deri mesatare nga drejtimi i veriperëndimit.

Të dielën parashihet të mbajë mot kryesisht i ngjashëm, por me temperatura më të ulëta, kryesisht ato minimalet.

Temperaturat minimale parashihen të lëvizin ndërmjet -2 deri -6 gradë Celsius, ndërsa maksimalet e ditës parashihen të lëvizin ndërmjet 0-3 gradë Celsius. Do të fryjë erë kryesisht nga veriperëndimi e lehtë deri mesatare.  /2LONLINE/