Parashikimi i motit për këtë javë

Sipas Institutit Hidrometeorologjik të Kosovës, për ditën e hënë parashihet të mbajë mot me vranësira te pjesshme dhe me diell.

Nëpër ultësira do të ketë mjegull. Temperatura minimale do të lëvizë në mes -4 gradë deri -1 gradë celsius, kurse maksimalet e ditës do të lëvizin në mes 4-6. Do të fryjë erë e lehtë nga ana e jugut dhe juglindjes me shpejtësi 1-2m/s.

Mot me diell dha vranësira të pjesshme pritet të mbaj edhe të martën, ku në orët e vona të ditës mund të ketë edhe riga lokale të shiut. Temperaturat minimale do të lëvizin nga -1C deri 2C celsius, kurse maksimalet e ditës do të lëvizin nga 5C deri 7C celsius. Era do të vazhdojë të fryjë nga jugu dhe juglindja e lehtë deri mesatare.

Të mërkuren do të ketë intensifikim të vranësirave të cilat do të jenë të paqëndrueshme dhe vende-vende do të shoqërohen me reshje shiu. Temperaturat minimale dhe maksimale do të pësojnë ngritje të lehta. Nga 3C deri 9C celsius do të jenë temperaturat nga dita e merkurë e deri të dielën.