Parashikimi i motit për këtë fundjavë

Parashikimi i motit për këtë vikend ( 4 & 5 tetor 2025), sipas Institutit Hidrometeorologjik të Kosovës.

E shtunë, moti do të karakterizohet nga vranësira të shumta me intervale të shkurtra me diell. Vende-vende priten riga të dobëta shiu.

Temperaturat minimale do të lëvizin ndërmjet -1°C deri në 2°C, ndërsa maksimalet e ditës do të arrijnë nga 5°C deri në 10°C.

Era do të fryjë nga verilindja, me intensitet të lehtë deri mesatar.

E diel, moti do të mbetet kryesisht i vranët me periudha të herëpashershme me diell. Lokalisht parashikohen riga të lehta shiu.

Temperaturat do të jenë në rritje, veçanërisht ato maksimale. Vlerat minimale do të lëvizin ndërmjet -1°C dhe 1°C, ndërsa maksimalet e ditës pritet të regjistrohen nga 11°C deri në 16°C.

Era do të fryjë kryesisht nga verilindja, e lehtë deri mesatare.  /2LONLINE/