Paraqitje e suksesshme e AKV “Gjilani” në “Aulona Inter Folk Festival” të Vlorës

Paraqitje e suksesshme e AKV “Gjilani” në “Aulona Inter Folk Festival” të Vlorës

Për performancë të shkëlqyer dhe dinjitoze ky Ansambël është shpërblyer me DIPLOMË nga organizatori i festivalit.

Dy mbrëmje pati paraqitje të suksesshme, veçanërisht në natën finale ku edhe para shumë shikuesve, u interpretuan valle burimore e koreografike, dhe këngë të përzgjedhura nga këshilli artistik i Ansamblit, me veshje kombëtare dhe kolorit të shkëlqyer dhe u prit jashtëzakonisht mirë nga publiku.

Nehat Ferati, kryetari i Ansamblit të Këngëve dhe Valleve “Gjilani” ka bërë me dije se në këtë ngjarje kulturore Ansambli i Këngëve dhe Valleve ,”Gjilani” është paraqitur krahas shumë vendeve pjesëmarrëse dhe janë vendosur kontakte të shëndosha me të gjitha Ansamblet dhe grupet e të gjitha shteteve të tjera.

Për performancë të shkëlqyer dhe dinjitoze ky Ansambël është shpërblyer me DIPLOMË nga organizatori i festivalit.

Ferati tha se kjo pjesëmarrje në këso lloj ngjarjesh kulturore konsiderohet shumë e dobishme për shkëmbimin e eksperiencave te të rinjtë ku edhe kishin mundësinë që të shkëmbejnë përvoja dhe vizione të ndryshme mes tyre.

Pjesëmarrja e Ansamblit si përfaqësues i Komunës së Gjilanit dhe Republikës së Kosovës ishte jashtëzakonisht e suksesshme dhe dinjitoze.

Falënderim i veçantë për organizatorët në krye me drejtuesin e festivalit Sejmen Gjokoli për organizimin e shkëlqyer dhe pritjen e jashtëzakonshme.

Vlen të theksohet se pjesëmarrja e AKV “Gjilani” në këtë Festival është mundësuar nga kontributi i jashtëzakonshme i anëtarëve të Ansamblit dhe Komuna e Gjilanit – Zyra e Kryetarit -Drejtoria për Kulturës, Rinisë dhe Sport. /2LONLINE.com/

KOMENTE