Parandalohet futja e kontrabandës në Qendrën e Paraburgimit në Gjilan
Në Qendrën e Paraburgimit në Gjilan është parandaluar futja e kontrabandës, njofton Shërbimi Korrektues i Kosovës.
Gjatë kontrollit të rrobave të sjella nga familjarët e të burgosurve, zyrtarët korrektues kanë gjetur dhe konfiskuar lëndë narkotike, e cila dyshohet se ishte destinuar për tu futur brenda qendrës.
Menjëherë pas zbulimit, Policia e Kosovës është njoftuar dhe ka ndërmarrë hapat e nevojshëm për hetimin e rastit.
Shërbimi Korrektues i Kosovës mbetet i përkushtuar në luftimin e kontrabandës brenda institucioneve korrektuese dhe nuk do të tolerojë asnjë veprim, i cili rrezikon rendin dhe sigurinë e tij, thuhet në njoftimin e këtij shërbimi. /2LONLINE/