Paraburgim dhe arrest shtëpiak të dyshuarve për terrorizëm

Gjykata Themelore e Prishtinës vendosi përsëri masën e paraburgimit për shtatë të dyshuar për terrorizëm, ndërsa tre të tjerëve nga ky grup ua caktoi masën e arrestit shtëpiak, pasi vendimi i saj i marrë më 19 shtator që kthyer në rivendosje.
Paraburgimi prej 30 ditësh grupit prej 13 personave, shumica nga ta imamë u ishte caktuar më 19 shtator, dy ditë pasi ata qenë arrestuar.

Dy nga imamët mitrovicas, pjesë e këtyre të arrestuarve qenë liruar nga paraburgimi më 25 shtator, ndërsa kryemamit të Pejës Enes Goga iu hoq kjo masë më 2 tetor.

Dhjetë të mbeturve në paraburgim Gjykata e Apelit ua ktheu këtë masë në rivendosje, ndërsa të enjten prokurori kërkoi paraburgim për shtatë prej tyre dhe arrest shtëpiak për tre të tjerë.

Gjykata vendosi sot masën e kërkuar nga prokuroria për këta të pandehur.

Gjithashtu sot mund të vendoset për vazhdimin, ose heqjen e masave të sigurisë për këta të dyshuar.
Fuad Ramiqit me shokë u vazhdohet paraburgimi edhe për një muaj

U është caktuar masa e paraburgimit prej 30 ditësh Fuad Ramiqit, Bedri Robajt, Mazmull Mazllumit, Eroll Mesini, Leonard Ruli, Sabahudin Selimi dhe Trim Ademit.

Mbrojtja e Fuad Ramiqit ka thënë se do të paraqesin ankesë te Gjykata e Apelit, sepse sipas tij, po bëhet shkelje e Kushtetutës.

Ndërkohë, tre të tjerëve iu është caktuar masa e arrestit shtëpiak.