Paneli Vlerësues publikon rezultatet e intervistimit të kandidatëve për Kryeprokuror të Shtetit

Paneli Vlerësues i Këshillit Prokurorial të Kosovës (KPK), i kryesuar nga z. Arian Gashi dhe në përbërje nga z. Visar Krasniqi dhe znj. Elza Bajrami Kastrati, ka përfunduar procesin e intervistimit të kandidatëve për pozitën e Kryeprokurorit të Shtetit dhe ka publikuar rezultatet e vlerësimit.

Pas përfundimit të intervistimit dhe vlerësimit të kandidatëve, rezultatet përfundimtare janë si vijon:

• Zejnullah Gashi – 91.6 pikë;
• Atdhe Dema – 89.3 pikë;
• Naim Abazi – 89.0 pikë;
• Rafet Halimi – 87.0 pikë;
• Shqipdon Fazliu – 86.3 pikë.

“Në përputhje me Rregulloren për emërimin e Kryeprokurorit të Shtetit dhe procedurat e përcaktuara për këtë proces, Paneli Vlerësues do t’ia procedojë rezultatet e intervistimit Këshillit Prokurorial të Kosovës për shqyrtim dhe vendimmarrje në takimin e ardhshëm”, thuhet në njoftim. /2LONLINE/