Pak para ndeshjes Barcelona-Liverpool, ky është parashikimi i Mourinhos

Jose Mourinho i ka thurur elozhe Liverpool-it në prag të gjysmëfinales së Champions League ndaj Barcelones.

The Reds kanë një përballje të vështirë në Nou Camp sonte dhe Mourinho veson se skuadra e Jurgen Klopp mund të fitojë trofeun e gjashtë të Champions League këtë sezon.

“Forca e Liverpool është Virgil van Dijk, ai është fenomenal. Gjithashtu ata nuk ndalen dot së shënuari. Më thuaj një ndeshje kur Salah, Firmino dhe Mane kanë luajtur që nga minuta e parë dhe Liverpool nuk ka shënuar”, deklaroi Mou.

“Shanset për të kaluar në finale janë të barabarta, por unë mendoj se Liverpool është më mirë se sezonin e kaluar. Mendoj se nëse Barça luan ndeshjen e kthimit siç luajti ndaj Manchester United në Old Trafford do të jetë në telashe”, perfundoi ai.