Pajaziti (PDK), nderoi me mirënjohje një grup veteranësh të arsimit gjilanas
Sot, me rastin e 7 Marsit – Ditës së Mësuesit, kryetari i Degës së PDK-së në Gjilan, Zenun Pajaziti, priti në një takim rasti një grup veteranësh të arsimit gjilanas, me ç’rast, përmes këtyre, i uroi dhe i falënderoi njëkohësisht, të gjithë veteranët e arsimit për kontributin e dhënë në edukimin dhe arsimimin e brezave.
“Përmes këtij edukimi, mësuesit tanë, një jetë të tërë e dhuruan për gjeneratat e reja. Prandaj, edhe duke qenë frymëzues nga ju, nga puna e juaj vetëmohuese, ne sot kemi detyrim ndaj jush, për mirëqenien e juaj, për një jetë më me dinjitet”, tha Pajaziti.
Ndërkaq, të pranishmit shprehën falënderimin dhe mirënjohjen e tyre. “Nga respekti i PDK-së, në e kemi pa të arsyeshme ta japim kontributin tonë këtu”, u shpreh zonja Makfire Osmane.
E, profesori Mehmetali Rexhepi, veçoi periudhën e rëndë të mbijetesës së popullit shqiptarë përmes arsimit shqip, periudhë hamletiane, siç e quajti ai, “të jesh apo të mos jesh”.
Në fund të takimit, në shenjë falënderimi, kryetari i PDK-së së Gjilanit, Zenun Pajaziti, i nderoi këta veteranë me mirënjohje për meritat e tyre në arsimin gjilanas.
