Pacolli ua kujton politikanëve historinë e heroit Dinpak!

Presidenti i AKR-së, Behgjet Pacolli, ka reaguar ndaj qëndrimeve të politikanëve që po mbajnë karshi vendimit të fundit të Gjykatës Kushtetuese, duke i krahasuar ato me një nga librat e tij të preferuar “Aventurat e Dinpakut dhe shokëve të tij”.
Madje, përmes një mesazhi të postuar në llogarinë e tij personale në Facebook, Pacolli u ka rrëfyer politikanëve historinë e heroit Dinapk.

“Qëndrimet që po mbahen ndaj vendimit të fundit të Gjykatës Kushtetuese nga klasa politike e jonë më kujtojnë një episod nga librat e rinisë sime, që titullohej «avanturat e Dinpakut dhe shokëve të tij» .

Dinpaku ishte heroi kryesor i shoqërisë së xhuxhave të cilët kishin emrat sipas cilësive të tyre (psh Dinpaku=Din Pak). Dinpaku në jetë provoi të bënte gjithçka: muzikantin, skulptorin, piktorin.

Një ditë kur Dinpaku ndihej piktor, ftoi shokët e tij në një ekspozitë me portretet e tyre: të Dinshumit, të Sigurtit, të Pasigurtit, etj. Të gjithë shokët morën pjesë dhe i thoshin Dinpakut: sa bukur i ke bërë pikturat!”, ka shkruar Pacolli në Facebook.