Pacolli: Situata në Kosovë, e pashpresë

Behgjet Pacolli ka paralajmëruar fuqizimin e AKR-së në skenën politike, duke thënë se ky subjekt politik u duhet qytetarëve të Kosovës. Pacolli në një intervistë për “Epokën e re” ka bërë me dije se do të ketë ndryshime në ekipin e tij dhe strukturat e partisë. Ai ka folur edhe për çmimin ‘Nderi i Kombit’, me të cilin është nderuar nga presidenti i Shqipërisë, Bujar Nishani.

Pacolli ka thënë se me këtë dekoratë nuk është dekoruar vetëm ai, por e gjithë Kosova. Duke iu kundërpërgjigjur kritikëve, ai ka thënë se këtë çmim nuk e ka blerë, por e ka fituar me punë. “Mos u bëni qesharakë me mitologjinë e blerjes së titujve. Nëse do të doja do të kisha blerë pushtet, institucione apo vota”, ka thënë Pacolli.

Ai ka folur edhe për koalicionin qeverisës PDK-LDK, duke shprehur qëndrimin se ky koalicion vështirë se do të mbijetojë, edhe pse në letra i ngjan koalicionit gjerman.

http://www.epokaere.com/index.aspx?SID=13&PMID=2&LID=2&ACatID=1&AID=59707&Ctype=1