Pa shqiptarët, Zvicra do ishte në shtëpi

​Përderisa Ardian Kozniku është shqiptari i parë që ka marrë pjesë në një Kampionat Botëror, Milaim Rama është i pari që është prezantuar në një Kampionat Evropian. Sulmuesi nga Vitia, kishte veshur fanellën e Zvicrës në Evropianin 2004, të mbajtur në Portugali.

10 vjet më pas, Rama do të ndjek nga televizori bashkëvendasit e tij, të cilët do të përfaqësojnë po ashtu skuadrën helvetike. Në një intervistë për gazetën Arena, 38-vjeçari thotë se po të mos ishin shqiptarët (Xherdan Shaqiri, Granit Xhaka, Valon Behrami, Blerim Xhemajli, Admir Mehmedi e Pajtim Kasami), Zvicra nuk do të kualifikohej në Botëror. “Gjatë kualifikimeve Zvicra ka bërë lojëra të mira, shkruan Arena.

Ka qenë një ekip i mirë që ka zhvilluar lojëra të mira dhe e gjithë kjo është mundësuar nga shqiptarët. Është një meritë e madhe e tyre. Thjesht, shqiptarët e dërguan Zvicrën në Brazil”, tregon Rama, duke vazhduar: “Zvicra ka një ekip me lojtarë të ri dhe perspektiv. Unë pres që Zvicra do ta kalojë grupin, dhe kurse për më tutje, varet edhe nga forma e kundërshtarëve të tyre”, theksoi ish-sulmuesi i Thunit, me të cilën skuadër pati karrierën më të ndritshme.