Pa lidhje, por s`e lexon kush !

(2L ONLINE) – Tek sa po lexoja me të rejat e ditës së sotme , më ra në sy artikulli i mikut tim të çmuar Gani Neziri, “Libër që do të ndryshket në pluhurin e harresës historike”, i cili thjeshtë ishte kritikë ndaj librit të publicistit Nexhmedin Spahiu “Foshnjëria e Kombit Kosovar”, i promovuar ditë më parë në Gjilan.

I nderuari dhe i çmuari Gani Neziri, nga këndi i tij intelektual, kombëtar e moral, vërtetë kishte dhënë vërejtjet e Tij konstruktive , të matura dhe të dëshiruara. Por, krahasimet e bashkimit të dy Gjermanive , Austrisë ,…diçka sipas intelektit tim nuk po shkojnë ama bash hiq me mentalitetin shqiptar, bile këtë të dëshmuarin e pas luftës së Lavdishme të UÇK-së !

Edhe këtu (në këtë artikull), pika ku jemi bashkë me Nexhmedin Spahiun e Gani Nezirin, është Konica dhe Lutja e Tij “O ZOT, ruaje Shqipërinë prej shqiptarëve, se prej të huajve ruhemi vet ”!

Po pra ! …prej të huajve ruhemi vet , por edhe “tuta e ruan rrushin” , ndërsa prej tanëve, vet nuk ruhemi, të huajt s`kanë si t`na ruajnë…! E di si fëmijë, dheznim komaret e kashtës duke pirë ndonjë cigare tinëz ! Kështu u patën kallur edhe dy tri plevicat e fshatit,…Punë fëmijësh më !

Edhe Nexhmedin Spahiu është për bashkimin e shqiptarëve , ama posa të rriten një çikë ! E si të bashkohen foshnjat…?! Po s`jemi more foshnje , do të thoshte dikush ! Po, po jemi, sepse i ke parë foshnjat si janë , çfarë t`u japësh e fusin në gojë ! Tamam sikur klika jonë udhëheqëse, çfarë t`u bie në dorë, e marrin për vete !!!

Historia për mua s`është tjetër, pos një rrenë e kulluar, e shkruar nga matrapazë e demagogë, të cilët tjetër shkruajnë e tjetër veprojnë , flasin kur s`duhet, e heshtin kur duhet të flasin …! Po nëse deri dje na paskan ndarë e përçarë të huajt , dhe ne po e ditkemi, pse sot po i dëgjojmë ,…?! Po , pse u bë gjithë ajo luftë, pse u masakruam e sakatosëm, pse u dëbuam, dogjëm e shkatërruam, pse ?

Cila është historia jonë ? Kush nga historianët e përmendi faktin se luftërat e fundit të Serbisë ndaj Sllovenisë, Kroacisë, Bosnjës e Hercegovinës dhe Kosovës, ishin lufta fetare kundër Katolicizmit e Islamit ? Pse e njëjta luftë s`u bë edhe me Maqedoninë,…? Pse, pse …? Ky është gabimi në hapa ! Po klika jonë politike, ku ishte në vitin 1999-2000 ? Luftën s`e bëri vetëm Kosova, ajo u bë nga të gjitha trojet shqiptare dhe mërgata shqiptare. Dmth. Atëherë ishim bashkë, apo jo ? E kush na ndau, në periudhën për të cilën e shtrova pyetjen ?!

Pra , kjo ishte periudha kur dikush duhej të konsolidohej , të zinte pozitat, të depononte ;lekët “e fituar me shume djersë “…! Dhe, harrojmë atë periudhë ! E marrim gjendjen e sotme në Iliridë, siç dëshiroj ta quaj, unë patrioti , Maqedoninë … A s`u rrahëm, a s`u vramë , a s`u shkatërruam ,… Dhe a jemi në institucione, a jemi ardhur me votat e atyre të dënuarve dhe familjarëve të tyre ?!

Po ne këtu a s`i kemi hak Ismet Jasharit –Kumanovës… S`po gixojmë , s`po na lënë ndërkombëtarët , s`po dijmë,…?! Prandaj , kështu si jemi , më mirë është të jemi ndaras…Edhe ashtu ne jemi duke u marrë , e luftuar me veten tonë , me fenë tonë ( të pa fetë )!

Nuk u sulmua rastësisht përmendorja e Skënderbeut në Kaçanik , në kohën kur në Shkup dilet në protesta me flamuj arab…! Por , jetimët s`ka kush t`i mësoj , e me ta luajnë kush të ngritet më përpara . Se po të kishim prindër nuk do të ngurronin të thonin ;“ – Ne jemi shqiptarë të besimit Islam , i respektojmë dhe i nderojmë të gjithë , jemi tolerant ndaj çdo feje e besimi , sepse të gjithe jemi rob të Zotit …Por , në emër të Zotit luftojmë çdo padrejtësi , siç e luftuam në vitet 1997/99.

Me respektin më të madh për miqtë e mi të përmendur , por edhe të shumë e shumë atyre , emrat e të cilëve nuk i përmenda në këtë shkrim . Bashkimin s`po na e ndalë , dhe s`mund na e ndalë askush, por vet jemi kundër ! Të krahasosh Gjermaninë me Kosovën – Shqipërinë, është sikur ta krahasosh thneglën me elefantin.

Në Gjermaninë e Hitlerit edhe sot nuk ke njerëz të pasur, sa ka në Kosovë-Shqipëri ( bile në dy Gjermanitë bashkë). Bile aso pasanikësh që brenda 10-15 vitesh janë bërë multi milionerë, pa iu thënë kush, puna e mbarë ! Kryetari i Gjermanisë dorëhiqet për plagjiaturë, mësuesit paguhen më mirë se të tjerët, gjykatat e policia nuk njohin hierarki, pos Ligjit !

Tetë milionë shqiptarë, do të ishte më mirë të bashkoheshin në solidaritet, që të mos jenë 4 milion të pasur , e 4 milion të varfër . Do të ishte më mirë që këta “biznesmenët” e “akademikët”, të veshur shumica në petkun e politkajve të mos shkruanin libra e memoare të rrejshme, por të zbraznin thasët e mbushur me marka të ktyne herit, dhe t`i ndajnë me luftëtarët e lirisë, me jetimët, me invalidët e më të Lavdishmes sonë UÇK. Fabrikat e privatizuara t`i kthenin ne pune, e të mos mendohej për ndonjë Lazarat …!

Gjithë kjo luftë që është kah bëhet“ për shtet e mirëqenie”, e kam dronë që ë fund vetëm ne të tre, kemi me mbetë pro bashkimit, (Ganiu, Nexhmedini dhe unë), sepse të tjerët kanë halle e derte tjera, kush po vjen me ne në qeveri, kush kryeministër, kush…! E jo qebesa, s`tu ka bashku kështu Shqiptaria! Gjermanët ankoheshin se u ishte bërë e padrejtë, por edhe punonin me zemër e pa hile ! E jo si ne!

Unë jam më të dytë , me Ganiun për bashkim dhe me Nexhmedinin për foshnjëri të mbarë e rritje të shpejtë. Ju mendoni, vlerësoni e gjykoni ! Për bashkim jemi të gjithë, ama pasi të punojmë shumë më shumë, duke e lënë vajin anash, me moton; ”Mos shiko çfarë bënë vendi për ty, por çfarë po bënë ti për vendin “ !

Zoti na ndihmoftë !

/Nehat M.Ramadani/
(autori është mwsimdhwnws nw Shmu”Rexhep Elmazi”-Gjilan)