Organizim i skemave piramidale dhe bixhozit të paligjshëm

Nën dyshimin e bazuar për ushtrimin e veprimtarisë së kundërligjshme ‘Organizim i skemave piramidale dhe bixhozit të paligjshëm’, hetuesit policor në Skenderaj, kanë identifikuar një lokal ku ushtrohej veprimtari e lojërave të fatit.

Në lokalin ku dyshohej për veprimtari e dyshimtë, në cilësi të provave materiale janë gjetur dhe janë sekuestruar:

2 aparate të lojërave te fatit

2 printerë

2 kompjuterë dhe,

materiale të tjera që mund të shërbejnë si dëshmi për rastin në fjalë. Lidhur me rastin në cilësi të të dyshuarit është intervistuar një person i cili më pas është liruar në procedurë të rregullt.

Ndërsa, hetuesit policorë janë duke vazhduar me procedurat e mëtejme hetimore, thuhet ne njoftimin e policisë.  /2LONLINE/