Organizata “Qëndresa Kosovare” dhuron një autoambulancë për QKMF-në në Kamenicë

Organizata “Qëndresa Kosovare” dhuron një autoambulancë për QKMF-në në Kamenicë

Komuna e Kamenicës përkatësisht Qendra Kryesore e Mjekësisë Familjare në Kamenicë sot ka pranuar donacion një autoambulancë për nevoja të qytetarëve.

Kydonacion është dhuruar nga organizata “Qëndresa Kosovare”.

Donacionin e ka pranuar nënkryetari i komunës, Faton Jakupi, si dhe u.d i QKMF-së në Kamenicë, Besim Beqiraj.

I pari i komunës, Qëndron Kastrati ka falënderuar donatorin për këtë donacion i cili do të ndihmojë në nevojat e stafit shëndetësorë, sidomos gjatë kësaj periudhe të pandemisë.

“Pas ndërtimit të objektit të Gjinekologjisë, Pediatrisë e Urgjencës, sot pranuam si donacion edhe autoambulancënnga organizata “Qëndresa Kosovare”. Ky donacion i financuar nga qytetarët e Kuvajtit, është shumë i rëndësishëm për nevojat e stafit shëndetësor, sidomos në këtë periudhë të pandemisë. Falënderoj drejtorin e organizatës në fjalë Islam Cakaj dhe menaxherin Samir Salihun, për bashkëpunimin dhe angazhimin në secilin proces”, tha Kastrati.

Edhe nënkryetari, Faton Jakupi duke falenderuar organizatën “Qëndresa Kosovare” për këtë donacion tha se Komuna e Kamenicës ka pasur mbështetje të madhe nga donatorët.

“Donacionet në komunën tonë kanë qenë të shumta. Kësaj radhe ky donacion është për mantelbardhët, ata të cilët janë duke punuar pandalë sidomos në këtë periudhë”, ka thënë ai.

Ndërsa Drejtoresha e Drejtorisë së Shëndetësisë dhe Mirëqenies Sociale, Suna Zaimi-Krasniqi falenderoi organizatën në fjalë për këtë donacion.

“U jemi mirënjohës të gjithë donatorëve që po na e lehtësojnë punën me donacionet e tyre të ndryshme për stafin shëndetësorë”, ka thënë ajo.

Kurse u.d drejtori i Qendrës së Mjekësisë Familjare, Besim Beqiraj, tha se donacioni është tejet i nevojshëm për stafin shëndetësor.

“Falenderoj donatorët për këtë donacion i cili do të na hyjë në punë mjaft shumë. Ne u jemi mirënjohës të gjithë donatorëve që kanë mbështetur stafin shëndetësor e sidomos në këtë periudhë të pandemisë”, tha ai.

KOMENTE