Opozita edhe nga Gjilani niset drejt Prishtinës

/2L ONLINE/ – Autobusët e opozitës së bashkuar (Vetëvendosje, AAK, NISMA), tanimë janë nisur nga qytetet e ndryshme të Kosovës drejt Prishtinës për të marr pjesë në manifestimin kundër “Zajednicës” dhe demarkacionit me Malin e Zi dhe në këtë vazhdë edhe qytetarë nga Gjilani, në mënyrë të organizuar, me autobus, janë nisur drejtë kryeqendrës.

Gjilanasit janë tubuar tek Kompleksi i Shkollave të mesme nga ku me nëntë autobusë janë nisur për në Prishtinë, e Luan Aliu, aktivist i Lëvizjes Vetëvendosje, i ka thënë Portalit 2L ONLINE, se më shumë se 500 qytetarë të Gjilanit do të marrin pjesë në manifestimin e organizuar për të kundërshtuar marrëveshjen me Serbinë për themelimin e Asociacionit të Komunave Serbe dhe atë me Malin e Zi për demarkacionin e kufirit.

Përndryshe, tri subjektet opozitare kanë kundërshtuar këto marrëveshje me protesta si dhe me veprime të ndryshme edhe në Kuvendin e Kosovës.

Manifestimi është paralajmëruar që të mbahet në sheshin “Zahir Pajaziti” në Prishtinë si dhe fillon në orën 14:00. /2L ONLINE/