Opozita e konfirmon hedhje ne gazit lotsjellës

Lëvizja Vetëvendosje me anë të një njoftimi kanë konfirmuar se ata e kanë hedhur gazin lotsjellës pranë zyrës së Kryetarit të Kuvendit, Kadri Veseli.

Lexoni njoftimin e plotë:
Deputetët e opozitës sapo kanë hedhur gaz lotsjellës pranë zyrës së Kryetarit të Kuvendit, Kadri Veseli. Ky i fundit e blindoi kuvendin me forca policore. Njësoj sikur që Isa Mustafa po e blindon shoqërinë duke arrestuar, përndjekur e kidnapuar deputetë e qytetarë. Opozita nuk do të lëshojë pe kur është në pyetje sovraniteti shtetëror, interesi qytetar, liria dhe barazia. Protesta jonë brenda Kuvendit vazhdon, deri në tërheqjen e marrëveshjeve me Serbinë dhe demarkacionit me Malin e Zi.