Opozita bojkoton seancat e Kuvendit

Aleanca për Ardhmërinë e Kosovës, Lëvizja Vetëvendosje dhe Nisma për Kosovën kanë njoftuar se bojkotojnë vazhdimin e seancës së sotme dhe seancave të tjera.

Kjo për shkak të mos futjes si pikë e rendit të ditës, diskutimi për peticionin me mbi 30 mijë nënshkrime për shtrenjtimin e energjisë elektrike.

Gjatë seancës së Kuvendit, AAK propozoi që ky peticion të futet në rend dite, por nuk mori votat e mjaftueshme nga deputetët.

Ndërkohë, të tri partitë opozitare thirrën një konferencë të jashtëzakonshme për media, ku njoftuan se bojkotojnë vazhdimin e seancës.

Donika Kada-Bujupi nga AAK ka thënë se zëvendëskryeministri Thaçi mos të kërcënojë qytetarët se protesta do të jetë e dhunshme, pasi sipas saj partitë opozitare kanë thirrur protestë paqësore.