Oltion Bilalli dhe SC Gjilani bashkë deri në qershor 2028

Sport Club Gjilani ka bërë me dije se ka arritur marrëveshje me futbollistin Oltion Bilalli për vazhdimin e bashkëpunimit deri në qershor të vitit 2028.

Ky akord konfirmon besimin e ndërsjellë ndërmjet klubit dhe lojtarit, si dhe përkushtimin e përbashkët për të vazhduar rrugëtimin drejt realizimit të objektivave sportive të SC Gjilanit në sezonet e ardhshme.

“Oltion Bilalli do të vazhdojë të jetë pjesë e rëndësishme e skuadrës kuqebardhë, ndërsa klubi vlerëson kontributin, profesionalizmin dhe përkushtimin e tij brenda dhe jashtë fushës së lojës”, thuhet në njoftimin zyrtar të klubit “kuq e bardh’.

Sipas drejtuesve të klubit, vazhdimësia e bashkëpunimit me Bilallin është në përputhje me strategjinë e klubit për të ruajtur dhe forcuar bërthamën e ekipit, duke ndërtuar një skuadër sa më konkurruese për sfidat që e presin në të ardhmen.

“Sport Club Gjilani i uron Oltion Bilallit shumë suksese dhe momente të tjera të rëndësishme me fanellën kuqebardh”, thuhet në fund të njoftimit.  /2LONLINE/