Oficeri i FSK-së, shpallet Kampion Kombëtarë i Karatesë

Oficeri i FSK-së, Major Getoar Rexhepi, në Kampionatin e 27-të Kombëtar të Karatesë të Karatesë për moshat kadet, junior, U21 dhe senior të mbajtur në Republikën e Shqipërisë ka arritur të shpallet Kampion Kombëtarë i Karatesë, njofton Forca e Sigurisë së Kosovës (FSK).

Në garën e mbajtur në Pallatin e Sportit “Asllan Rusi”, morën pjesë rreth 80 sportistë në dy disiplina të ndryshme, kata dhe kumite, si dhe rreth 20 ekipe nga e gjithë Shqipëria.

Në një konkurrencë të fortë, duke pasur parasysh nivelin e lartë të sportistëve, si në disiplinën e katave (demonstrime), ashtu edhe në disiplinën e kumites (ndeshje), Majori Rexhepi u shpall Kampion Kombëtar i Shqipërisë në Kampionatin Kombëtar të Karatesë për vitin 2026.

Ky aktivitet përbën ngjarjen kryesore në nivel kombëtar për sportin e karatesë.

“Arritja e majorit tregon përgatitjen, disiplinën dhe punën e palodhshme të ushtarakëve tanë, jo vetëm në detyrat e tyre në FSK por edhe në aktivitetet sportive, ku arritjet gjithherë janë të nivelit më të lartë”,thuhe në njoftimi ne FSK-së.  /2LONLINE/