Oficer Kadeti nga FSK, diplomon në Akademinë Mbretërore Ushtarake Sandhurst

Oficer Kadet Fatlind Imeraj, ka diplomuar në Akademinë Mbretërore Ushtarake Sandhurst në Mbretërinë e Bashkuar, ceremonia e diplomimit në emër të SH.T. Mbretit Charles III u drejtua nga General Sir James Hockenhull.

Shkollimi në Akademinë Ushtarake Mbretërore Sandhurst është shkollim një vjeçar dhe përfshin përgatitjen e oficerëve për të shërbyer në pozita të ndryshme në forcat e armatosura. Duke filluar nga parimet bazë të forcave të armatosura, udhëheqja, dhe taktikat dhe llojet e opracioneve ushtarake janë disa nga fushat që përgatiten oficerët e rinj të Mbretërisë së Bashkuar dhe oficerët ndërkombëtar. Oficer Kadet Fatlind Imeraj është kadeti i 32 që e përfundon shkollimin në këtë akademi prestigjioze ushtarake nga FSK.

Në ceremoninë e diplomimit nga FSK morën pjesë Kolonel Ahmet Ajeti, Kolonel Ali Krasniqi, Atasheu i FSK në Mbretërinë e Bashkuar, Kolonel Agron Bajrami, dhe përfaqësues nga Ambasada e Republikës së Kosovës Znj. Arta Qehaja dhe Z. Ilir Bytyqi.

Një falënderim i veçantë për mbështetjen e Mbretërisë së Bashkuar në zhvillimin dhe edukimin e oficerëve të Republikës së Kosovës. /2LONLINE/