O’Connelli: Zgjedhja e presidentit është pyetje për Kuvendin

Ambasadori i Britanisë së Madhe në Prishtinë, Ruairi O’Connelli, gjatë bashkëbisedimit me qytetarë në rrjetin social në “Facebook”, ka thënë se shteti i tij do ta ndihmojë Kosovën drejtë integrimit në BE.

“Gjëja më e mirë për BE-në është se ajo përfaqëson një grup vlerash të përbashkëta për demokracinë evropiane. Unë jam i sigurt se e ardhmja e Kosovës është në BE. Por për të arritur atje duhet shumë punë për të përmbushur kriteret. Ne do të ndihmojmë”, ka thënë O’Connelli kur është pyetur se si jetohet në Evropë pasi që Kosova është e izoluar.

Ai ka thënë se janë duke punuar për t’i mbështetur disa investitor britanik për të investuar në Kosovë.

Ambasadori britanik është pyetur edhe për marrëveshjen në mes të PDK-së dhe LDK-së sipas të cilës Hashim Thaçi duhet të bëhet president i Kosovës. Ai ka thënë se zgjedhje e presidentit i takon Kuvendit të Kosovës. “Zgjedhja e presidentit është pyetje për Kuvendin, por duhet të jetë në përputhje me Kushtetutën dhe me ligjet”, ka thënë O’Connelli, raporton “Epoka e re”.

O’Connelli ka thënë se nuk mbështet asnjë parti politike në Kosovë.

Ambasadori O’Connelli është përgjigjur edhe në pyetjet për protestën e 9 janarit, duke thënë se dhuna rrezikon demokracinë. “Protesta ka qenë domethënëse. Protesta është një e drejtë thelbësore e demokracisë. Kemi parë fuqinë e protestës me rastin e Rektorit. Por përkundrazi dhuna dëmton mesazhin i protestës, por gjithashtu dhuna e rrezikon demokracinë”, ka thënë O’Connelli.

Më tutje, ai ka thënë se Kosovës i duhet një sistem i pavarur dhe i drejtësisë për të vepruar kundër korrupsionit. Demokracia nënkupton se njerëzit mund të zgjedhin krerët e tyre. Krerët e korruptuar mund dhe duhet të paguash çmimin në zgjedhje. Kosovës i duhet tani mirë sistemet prokurimi, i pavarur, i fortë dhe i sinqertë prokurorët, administrata profesionale dhe mbështetja publike për njerëzit duke vepruar kundër korrupsionit”, ka thënë ai.

Gjatë këtij bashkëbisedimi, O’Connelli ka folur edhe për Gjykatën Speciale, Asociacionin e komunave me shumicë serbe, transformimin e FSK-së.