OAK përshëndet vendimin për liberalizim të tregut të punës ndërmjet Kosovës dhe Shqipërisë

03.10.2020 - 12:43 2 minuta lexim

Oda e Afarizmit të Kosovës (OAK) përshëndetë vendimin e marrë në mbledhjen e dy Qeverive për liberalizim të tregut të punës ndërmjet Kosovës dhe Shqipërisë, për të cilën OAK më parë i është drejtuar me shkresë Kryeministrit të Kosovës Avdullah Hoti dhe Kryeministrit të Shqipërisë Edi Rama dhe institucioneve tjera përkatëse.

Lidhur me këtë barrierë të të bërit biznes, përfaqësues të OAK – së kanë realizuar edhe një takim me Ambasadorin e Shqipërisë në Kosovë, Qemail Minxhozi, ku ngritën rëndësinë e liberalizimit të tregut ndërmjet dy shteteve pasi që bizneset janë duke hasur disa sfida në këtë aspekt.

Në letrën të cilën OAK i drejtoi dy Kryeministrave shqipëtarë u kërkua që të ndërmerren masat e nevojshme për lehtësimin e këtyre procedurave që qytetarët e shtetit Shqipëtar të regjistrohen në sistemin tatimor të Kosovës si të punësuar të barabartë në tregun tonë, duke kërkuar që ky problem të vihet në tavolinën e bisedimeve të dy Qeverive që u mbajt me datën 2 Tetor.

http://odaeafarizmit.org/te-liberalizohet-tregu-i-punes-kosove-shqiperi/
https://odaeafarizmit.org/oak-kerkon-nga-dy-qeverite-liberalizimin-e-tregut-te-punes/

OAK përshëndet trajtimin e kësaj çështje dhe marrjen parasysh të kërkesës së drejtuar për eleminimin e këtyre barrierave dhe liberalizimin e tregut të punës në mes të Kosovës dhe Shqipërisë.

OAK kërkon nga Qeveria e Kosovës dhe Shqipërisë që këto marrëveshje të vëhen në praktikë sa me shpejtë, ashtu që efektet e tyre të vërehen sa më parë.