(2LONLINE) – Sipas kryetarit të komunës së Vitisë Sokol Haliti, Komuna e Vitisë me indinjatë të thellë ka pranuar lajmin se në qytetin e Vitisë janë nxjerrë nga vendi disa nga pllakat e varrezave ortodokse serbe. “Ky akt vandal ka për qëllim prishjen e situatës stabile që mbretëron në mes të gjitha komuniteteve të kësaj komune, njëherëit aktet e tilla vandale dhe të pamoralshme janë në kundërshtim të plotë me respektimin e të drejtave të njeriut, andaj komuna e Vitisë e dënon fuqishëm çdo lloj të këtij akti që mund të nxisë urrejtje ndëretnike dhe fetare, ndërsa kërkojmë nga organet e rendi respektivisht nga policia e Kosovës që kryesit e kësaj ngjarje të dalin para drejtësisë”, thotë në reagimin e tij kreu I Ko,munës |Sokol Haliti.
Më tej në ktë reagim të tij thuhet “Dëmtimi i varrezave çfarë do lloji qofshin ato është në kundërshtim me vlerat e shoqërisë në Kosovë dhe me traditën e tolerancës dhe të respektit ndërmjet njerëzve, religjioneve dhe kulturave të ndryshme. Çdo veprim ndaj varrezave të komunitetit serb është në kundërshtim të plotë me traditën dhe ligjet e Kosovës, me përkushtimin institucional të Vitisë për afirmimin e vlerave civilizuese evropiane’. /2lonline/