Nxënësit e Shkollës Fillore “Dëshmorët e Kombit” vizituan ambientet e Qendrës së Karrierës

Qendra e Karrierës – IAAP “Mehmet Isai” – Gjilan, ka bërë me dije se në kuadër të dyerve të hapura ishin për vizitë nxënësit e Shkollës Fillore “Dëshmorët e Kombit” nga Livoçi i Ulët.

Nxënësit vizituan ambientet e Qendrës së Karrierës ku u njoftuan nga afër mbi rëndësinë dhe ndihmën profesionale në orientimin e të rinjve në karrierë që ofron Qendra.

Nxënësit e klasave të nënta po ashtu vizituan të gjitha kabinetet e shkollës ku profesoreshat dhe profesorët para tyre prezantuan profilet përkatëse që janë në ShMTL “Mehmet Isai”.

“Falënderojmë drejtorin e shkollës, profesorët si dhe nxënësit e shkollës”, thuhet në njoftimin e Qendrës. /2LONLINE/