Numri i të vaksinuarve në Gjilan ka arritur në 17 mijë e 697

Në komunën e Gjilanit aktualisht janë 25 raste aktive me COVID-19, ka bërë të ditur kryetari, Lutfi Haziri.

Ndërkohë, Haziri ka bërë të ditur se numri i qytetarëve të cilët janë vaksinuar deri më sot është 17697.

Ai ka apeluar të gjithë qytetarët që të vazhdojnë të vaksinohen, si e vetmja mënyrë e imunizimit kundër këtij virusi.

Gjendja e përgjithshme në Gjilan që prej fillimit të pandemisë COVID-19 është si vijon: nga 22098 testime, 6554 kanë rezultuar pozitivë, 6382 janë shëruar, 147 qytetarë e kanë humbur betejën, 17 pacientë po trajtohen në Spitalin e Përgjithshëm, ndërkaq 15 mostra janë në pritje për rezultat. /2LONLINE.com/