Nuk ka kryeparlamentar, Kurti kërkon kohë shtesë për bisedime

Në Seancën e Kuvendit të Kosovës nuk u zgjodh kryeparlamentari, pasi kryetari i Lëvizjes Vetëvendosje, Albin Kurti  nuk ka propozuar emër për kryeparlamentar por ka kërkuar kohë shtesë për arritjen e marrëveshjes politike.

“Kërkojmë kohë shtesë që t’u japim shans bisedimeve politike për marrëveshje për president a presidente të re”, ka thënë ai.

Përndryshe, 120 deputetët e legjislaturës së 11-të janë betuar në Kuvendin e Kosovës për mandatin e tyre të ri.