Nuhiu justifikon sërish portierin, “Duhet ta fitojmë derbin për tifozët”

Nuhiu justifikon sërish portierin, “Duhet ta fitojmë derbin për tifozët”

Drita ka barazuar sot ndaj Trepçës 89′ me rezultatin 1-1, vetëm falë golit të Gilberto Fortunados në sekondat e fundit të ballafaqimit.

Pas ndeshjes,  Ardian Nuhiu theksoi se e kishte të qartë se kjo do të jetë ndeshje e vështirë për t’u fituar dhe se duhet të koncentrohen në ndeshjen tjetër.

“E dinim që do të jetë një ndeshje e vështirë. E vështirësuam punën me një gabim të portierit, por është normale dhe duhet te qetësohemi në të ardhmen. I urojë djemtë për luftën që nuk u dorëzuan deri në fund”, tha Nuhiu.

Në fund, Nuhiu foli edhe për derbin ndaj Gjilanit që zhvillohet në fundjavën e ardhshme, ku tha se do ta fitojnë për ‘Intelektualët’.

“Kemi kohë një javë për derbi, por derbi duhet të fitohet dhe jo të luhet. Ne duhet të fitojmë këtë ndeshje për tifozët tanë”, përfundoi ai.

KOMENTE