NPL “Tregu”, partner në shërbim të qytetarëve!

Ndërmarrja Publike Lokale (NPL) “Tregu” në Gjilan, ishte nikoqir i një aktiviteti në mbështetje të bujqësisë dhe zhvillimit të ekonomive familjare, ku përfituese ishin 30 familje nga komunat e Gjilanit dhe Kamenicës.

OJQ LIZA-R, në mbështetje të partnerit të saj IHH Nederland, realizoi shpërndarjen e konstruksioneve metalike dhe najlonëve për sera, në kuadër të projektit “30 Sera Bujqësore për Familjet në Gjilan dhe Kamenicë”.

“Në vazhdën e përkushtimit tonë për të qenë pranë kërkesave dhe nevojave të qytetarëve, NPL Tregu vuri në dispozicion hapësirën e parkingut të Tregut për realizimin e këtij aktiviteti, duke kontribuar kështu në mbarëvajtjen e tij dhe në mbështetjen e familjeve përfituese”, thuhet në njoftimin e NPL “tregu”.

Menaxhmenti i Ndërmarrjes vlerëson se bashkëpunimi dhe mbështetja e iniciativave të tilla janë një kontribut i drejtpërdrejtë në mirëqenien e qytetarëve dhe zhvillimin e komunitetit.

“NPL “Tregu”, partner dhe bashkëpunëtor i të gjithë atyre që punojnë për qytetarin dhe të mirën e komunës sonë”, thuhet në fund të njoftimit.  /2LONLINE/