Nora Gjakova e artë në Tunis

Nora Gjakova ka fituar medaljen e artë në turneun “Afrikan Open” që po mbahet në Tunis. Gjakova në xhiron e parë ishte e lirë, kurse pastaj ka arritur që në kategorinë 57 kg të shënojë 2 fitore për të kaluar grupin.

Pas kualifikimit të saj në mesin e katër më të mirave, Nora Gjakova u përball në gjysmëfinale me spanjollen Jaione Equisoain, të cilën e gjunjëzojë duke vazhduar në finale, ku pati punë me francezen Helene Receveaux.

Edhe ndaj xhudistes franceze Nora Gjakova ishte bindëse dhe arriti që të triumfojë duke rrëmbyer medaljen e artë në turneun e Tunisit, ku pjesë e ekspeditës kosovare ishte edhe vëllau i saj Akili, të cilit i mungoi fati.

Edhepse nuk mori pjesë në këtë garë, e pranishme për të përcjellur këtë garë ishte edhe Majlinda Kelmendi.