Njoftim nga IHMK për ndryshimet e lehta të situatës meteorologjike

“Ka ndryshuar situata meteorologjike. Në fushat barike dhe termike janë vërejtur ndryshime të vogla, të cilat kanë ndikuar që dita e enjte dhe ajo e premte të paraqiten me kushte paksa të ndryshme nga parashikimi fillestar”, thuhet në njoftimin e Institutit Hidrometeorologjik të Kosovës (IHMK).

Sipas imazheve të fundit satelitore, pritet një zhvillim i lehtë i vranësirave dhe reshjeve të shiut në disa zona të vendit.

E enjte:

Pritet mot kryesisht i vranët, me intervale të shkurtra me diell në disa rajone. lokalisht parashihen riga të dobëta shiu.

Temperaturat minimale do të lëvizin ndërmjet 1°C dhe 4°C, ndërsa maksimalet e ditës parashihen të jenë ndërmjet 10°C dhe 13°C. Do të fryjë erë e lehtë deri mesatare nga drejtimi juglindje–veriperëndim.

E premte:

Parashihet mot i vranët gjatë gjithë ditës. Vranësirat pritet të sjellin reshje shiu me intensitet të ndryshueshëm.

Temperaturat minimale do të jenë ndërmjet 2°C dhe 5°C, ndërsa maksimalet e ditës do të lëvizin nga 8°C deri në 11°C. Do të fryjë erë e lehtë, lokalisht mesatare deri e fortë nga drejtimi verilindor.  /2LONLINE/