NJKDNJ mbanë takim me “Avokatin e Popullit”, në kuadër të aktivitetit “ Ditë e hapur me qytetarë”

Njësia Komunale për të Drejtat e Njeriut (NJKDNJ) në Kamenicë, bashkë me “Avokatin e Popullit” kanë mbajtur një takim, me aktivitetin “Ditë e hapur me qytetarët”, takim ky që mbahet një herë në muaj.

Në këtë takim është diskutuar rreth shkeljeve të të drejtave të njeriut, dhe problemeve të ndryshme që i hasin qytetarët.

Koordinatorja e NJKDNJ-së, Nazmije Demolli-Kastrati tha se gjatë këtij takimi, ka pasur edhe ankesa të ndryshme nga qytetarët.

“Gjatë kësaj pati edhe qytetar që u ankuan për shkelje të të drejtave të njeriut, të cilat ankesa u shqyrtuan në mënyrë profesionale nga zyrtarët”, u shpreh ajo.

Të pranishëm në këtë takim ishin edhe Zyrtari ligjor i Institucioni të Avokatit të Popullit (IAP), Shemsedin Mustafa dhe Përgjegjësja e Shërbimeve sociale (QPS) Kimete Kryeziu.