Njihuni me portierin kampion që prezantoi SC Gjilani, detaje të transferit nga Shqipëria

Njihuni me portierin kampion që prezantoi SC Gjilani, detaje të transferit nga Shqipëria

SC Gjilani ka prezantuar transferin e ri, i cili pritet të bashkohet me skuadrën kuq e bardh për ndeshjet e Ligës së Evropës. Bëhet fjalë për portierin nga Shqipëria, Enea Koliçi, 34 vjeçar, i lindur në Pogradec, kurse Gjilani e transferoi nga KF Skënderbeu, transmeton 2LONLINE.com.

Koliçi do ta zëvendësojë Kenan Haxhihamzën e larguar te Gjilani, derisa ai erdhi me kërkesë të trajnerit Gentian Mezani.

Sipas përditësimit të fundit në web faqen e transfereve, vlera e Koliçit në treg është 175 mijë euro, kurse me SC Gjilanin ka nënshkruar kontratë deri më 06.30.2022, shkruan transfer mark, transmeton 2LONLINE.com.

Portieri Koliçi ka fituar tri kupa në kampionatin e Shqipërisë me KF Kukësin, një herë si kampion i Superiores, një herë Kupën e Shqipërisë dhe një superkupë.

Koliçi ka karrierë të gjatë dhe ka luajtur te skuadrat greke, Iraklis, Olympiacos Volos, Odysseas, Panserraikos, gjithashtu edhe te skuadrat shqiptare si Flamurtari i Vlorës, KF Kukësi dhe së fundmi te Skënderbeu.

Me KF Skënderbeun, Enea Koliçi këtë edicion ka zhvilluan 35 ndeshje ose 3.127 minuta dhe ka pranuar 42 gola./2LONLINE.com/

KOMENTE