Njësia për Rini mirënjohje për më të mirët e vitit në disa kategori

/2L ONLINE/ – Me rastin e shënimit të Ditës së Çlirimit të Gjilanit me 15 qershor 2016, Njësia e Rinisë shënon këtë ditë me dhënien e mirënjohjeve në pesë kategori si: Organizatën më aktive, Aktivitetin më të mirë, Studenti i dalluar, Nxënësi i dalluar dhe Vullnetarin e Vitit.

Genc Mustafa, udhëheqës i Njësisë për Rini, ka bërë të ditur se këto mirënjohje ndahen për individë ose organizata që e kanë shënuar vitin 2015 me rezultate të cilat kanë ndikuar në performancën dhe imazhin e qytetit të Gjilanit.

‘Ftohen të gjithë të rinjtë dhe organizatat rinore që të mërkurën me 15 qershor, në ora 13:00, të marrin pjesë në këtë aktivitet, i cili mbahet në objektin e Shtëpisë së Rinisë në Gjilan”, thotë Mustafa. /2L ONLINE/