Një vlerësim i drejtë dhe profesional ndikon drejtpërdrejt në rritjen e cilësisë në arsim

Drejtori i Drejtorisë Komunale të Arsimit, në Komunën e Kamenicës, Selami Klaiqi, së bashku me stafin e tij, zhvilloi një takim me zyrtarët e Inspektoratit të Arsimit, dega në Gjilan.

Gjatë këtij takimi u diskutua për rëndësinë e një procesi të mirëfilltë dhe të strukturuar të vlerësimit të performancës së mësimdhënësve, si dhe për fuqizimin e mekanizmave të vlerësimit të brendshëm në shkolla.

Palët u dakorduan se një vlerësim i drejtë dhe profesional ndikon drejtpërdrejt në rritjen e cilësisë në arsim, përmirësimin e rezultateve të nxënësve dhe zhvillimin e vazhdueshëm profesional të mësimdhënësve.

“Ky takim shënon një hap të rëndësishëm drejt bashkëpunimit institucional për ngritjen e standardeve në sistemin arsimor”, ka thënë drejtori Klaiqi. /2LONLINE/