Një tjetër sukses i arritur nga Qendra për Studime Universitare

Një tjetër sukses i arritur nga Qendra për Studime Universitare në rrugën drejt promovimit si një institucion akademik ushtarak me standarde ndërkombëtare, njofton Forca e Sigurisë së Kosovës (FSK).

Në Qendrën për Studime Universitare u mbajt Java Ndërkombëtare e Kadetëve, një ngjarje e veçantë që bashkoi kadetë nga akademi të ndryshme ushtarake si Akademia “West Point” dhe Norwich University nga SHBA, Royal Military College Saint-Jean nga Kanada, Akademia e Forcave të Armatosur nga Shqipëria dhe Akademia Ushtarake nga Maqedonia e Veriut për një javë plotë aktivitete.

Përmes ligjëratave, ushtrimeve praktike dhe aktiviteteve të përbashkëta, pjesëmarrësit patën mundësinë të njohin nga afër sistemin arsimor ushtarak të QSU-së dhe të ndajnë përvojat e tyre me kolegë ndërkombëtarë.

Moto e KOMQSU, Major Mimoza Budeci për “Javë Ndërkombëtare 2025”, ishte “Frymëzojmë Udhëheqim Shërbejmë”, thuhet në njoftimin e FSK-së. /2LONLINE/