Një ndeshje e fortë, por vetëm me një pikë të fituar!

Sonte, KV Drita zhvilloi një përballje tejet të fortë dhe emocionuese, e cila përfundoi me rezultat të ngushtë 3-2 në sete në favor të KV Ferizaj.

Ishte kjo ndeshja e radhës në Raiffeisen Superligës A, të Kosovës në Volejboll, që gjilanasit nuk arritën ta fitojnë, por dy setet e fituara ia sigurojnë një pikë.

Raiffeisen Superliga A (Meshkujt) – Xhiro 10
Ferizaj 3–2 Drita
Setet: 25–21, 25–27, 25–21, 16–25, 15–13

“Megjithatë, djemtë tanë treguan zemër, karakter dhe lojë të bukur deri në fund. Çdo set ishte luftë e vërtetë dhe dëshmi e përkushtimit që kemi si ekip. Krenarë për paraqitjen dhe për shpirtin garues që nuk mungon kurrë”, thuhet në njoftimin zyrtar të KV Drita. 

Përndryshe, KV Drita, me 21 pikë dhe 7 fitore, zbret në pozitën e tretë, por mbetet fuqishëm në garë për kreun. /2LONLINE/