Një i vrarë dhe një i plagosur në Mitrovicë

Një person ka vdekur dhe një tjetër është plagosur, të shtunën mbrëma, në fshatin Leshak, në veri të Mitrovicës. Siç raporton agjencia serbe e lajmeve “Tanjug”, në drejtim të tyre është shtënë me armë, rreth orës 20:50, në kafenenë ‘Tajm’.

I riu M. Vuloviq (29 vjeç) ka ndërruar jetë, ndërsa vëllai i tij M. Vuloviq (30 vjeç) është dërguar në Qendrën Mjekësore në Mitrovicën e veriut. Komandanti i Policisë Rajonale të Kosovës, Zeljko Bojiq, e ka konfirmuar lajmin për “Tanjug”.