Një delegacion i kadetëve nga QSU vizitë në Dresden të Gjermanisë

“Një delegacion i kadetëve nga Qendra për Studime Universitare (QSU) mori pjesë në Javën Ndërkombëtare të Kadetëve, e cila u zhvillua në Akademinë Ushtarake në Dresden, Gjermani, në kuadër të bashkëpunimit dypalësh dhe forcimit të marrëdhënieve ushtarake ndërkombëtare”, njofton Forca e Sigurisë së Kosovës.

Kjo vizitë mblodhi së bashku udhëheqësit e ardhshëm ushtarakë nga shtete të ndryshme aleate, duke u ofruar kadetëve të FSK-së një mundësi të shkëlqyer për: Shkëmbimin e përvojave, Njohja me metodat më bashkëkohore të trajnimit, doktrinës dhe udhëheqjes ushtarake dhe Diplomacinë mbrojtëse përmes ndërtimit të urave të bashkëpunimit dhe besimit me partnerët tanë ndërkombëtarë që në hapat e parë të karrierës ushtarake.

“Përfaqësimi i dinjitetshëm i kadetëve tanë dëshmon edhe një herë përkushtimin e forcave tona për ngritjen profesionale sipas standardeve më të larta të NATO-s. I përgëzojmë kadetët për lartësimin e flamurit tonë në këtë aktivitet ndërkombëtar!”, thuhet në njoftimin e FSK-së. /2LONLINE/