Një arritje e rëndësishme për Repartin e Ortopedisë në Spitalin e Përgjithshëm në Gjilan

“Me angazhim të vazhdueshëm, përkushtim profesional dhe menaxhim të mirëfilltë të punës dhe stafit, Reparti i Ortopedisë, Reparti i Anestezionit dhe Salla Operative, ka arritur të eliminojë listën e pritjes për ndërhyrjet kirurgjike të planifikuara”, thuhet në njofitmin e këtij Spitali.

Më tej në njoftim thuhet se pas shumë vitesh, pacientët që kanë nevojë për trajtim kirurgjik ortopedik nuk përballen më me pritje të gjata. Aktualisht, ndërhyrjet e planifikuara mund të realizohen brenda pak ditësh, duke mundësuar trajtim më të shpejtë dhe më efikas për pacientët tanë.

“Ky rezultat është fryt i punës së përbashkët, organizimit më të mirë dhe përkushtimit të të gjithë stafit”.

“Angazhimi ynë si menaxhment për ofrimin e shërbimeve shëndetësore cilësore, efikase dhe në kohë për qytetarët vazhdon çdo ditë, faleminderit të gjithë stafit për punën, profesionalizmin dhe përkushtimin e treguar çdo ditë në shërbim të pacientëve”, thuhet në njoftim.

Sipas drejtuesve të Spitalit, së shpejti, një hap tjetër i rëndësishëm në zgjerimin e shërbimeve tona edhe me endoproteza totale, vazhdojmë së bashku për shërbime më të mira dhe kujdes shëndetësor më cilësor për qytetarët tanë.  /2LONLINE/