Nis trajnimi për zyrtarë policorë si reagues të parë të dhunës në familje

Nis trajnimi për zyrtarë policorë si reagues të parë të dhunës në familje

Sot, më 4 shkurt 2018, nën organizimin e OSBE-së dhe mbështetjen financiare të ambasadës italiane filloi projekti i trajnimit ‘Ngritja e kapaciteteve operative të PK-së për luftimin e dhunës në familje.

Në ceremoninë e hapjes së trajnimit që u mbajt në objektet e PK-së në Prishtinë, morën pjesë drejtori i Përgjithshëm i PK-së z. Rashit QALAJ, ambasadori i Italisë në RKS z. Sardi dhe drejtori i Departamentit për Siguri Publike në OSBE, z. Rogue.

Si fazë e parë e projektit është paraparë trajnimi pesë ditor (4 deri 8 shkurt 2019) për trajnimin e trajnerëve si reagues të parë të rasteve të dhunës në familje. Fillimisht do të trajnohen dymbëdhjetë zyrtarë policorë e më pas nga ata do të kryhen trajnime tjera për zyrtarët policorë.

Qëllimi i trajnimit është që zyrtarët e trajnuar të pajisen me njohuritë, praktikat dhe metodat më të avancuara se si t’iu qasen rasteve të dhunës në familje.

KOMENTE