Ngrohja globale kërcënim i vazhdueshëm për botën

Ngrohja globale kërcënim i vazhdueshëm për botën

Bota është në mes të 10 viteve më të ngrohta që kur filloi matja e temperaturës botërore më 1850, njoftoi Shërbimi Kombëtar i Motit në Britaninë e Madhe.

Shërbimi britanik parashikon se temperaturat në secilin nga pesë vitet e ardhshme do të jenë afër, ose 1 gradë Celsius, më të larta se periudha para industriale.

Gjithashtu ekziston një mundësi e vogël që në njërin nga pesë vitet e ardhshme temperaturat globale të arrijë në mbi 1.5 gradë Celsius. Ky nivel i temperaturës vlerësohet si kritik për procesin e ndryshimeve të klimës.

Nëse të dhënat përputhen me parashikimin, atëherë dekada nga 2014-2023 do të jetë më e ngrohtë në më shumë se 150 vjet të mbajtjes së të dhënave.

Në tetorin e kaluar, shkencëtarët e OKB-së publikuan një raport të veçantë mbi ndikimet afatgjata të rritjes së temperaturës prej 1.5 Celcius.

Analiza e ekspertëve britanikë thotë se ka një mundësi prej 10 përqind që kjo të ndodhë brenda pesë viteve të ardhshme

KOMENTE