Ngritët aktakuza me përmirësime kundër Fatmir Limajt në rastin MTPT

(I plotësuar) – Kjo aktakuzë është ngritur nga ana e prokurorit pas një hetimi të gjatë dhe të ndërlikuar të Policisë së EULEX-it në bashkëpunim të ngushtë me Policinë e Kosovës.

Avokati i Endrit Shalës, Arianit Koci tha për KosovaPress se aktakuza e parë ka pas të meta juridike dhe se kjo është aktakuza e vjetër por e përmirësuar.

Në rastin e quajtur si MTPT akuzohen Fatmir Limaj, ish ministër i Transportit, këshilltari i tij Endrit Shala, ish shefi i prokurimit në këtë Ministri Nexhat Krasniqi, pronari i Tali Copmany Florim Zuka.

Prokuroria Speciale ngrit pesë aktakuza për korrupsion për ish MTPT

Dje, një prokuror i Prokurorisë Special të Republikës së Kosovës ka ngritur aktakuzë në rastin e Ministrisë së Transportit dhe Post Telekomunikacionit “MTPT” kundër pesë të pandehurve, në përputhje me Urdhrin e Gjykatës së Apelit.

Sipa një komunikate për media, të pandehurit akuzohen për Krim të Organizuar (Neni 274, paragrafi 3 i Kodit Penal të Kosovës (KPK), Keqpërdorim të Pozitës Zyrtare (Neni 339, paragrafët 1 dhe 3 të KPK (të vjetër); në lidhje me Nenin 23 të KPK (të vjetër) (në bashkëkryerje), Keqpërdorim të Autorizimeve Ekonomike (Neni 236, paragrafi 1, nën paragrafi 5 dhe paragrafi 2 i KPK (të vjetër)), Marrje dhe Dhënie të Ryshfetit (Neni 344, paragrafi 1 i KPK (të vjetër); në lidhje me sektorin 117.1.a. dhe d. Të Ligjit mbi Prokurimin Publik dhe Neni 343, paragrafi 2 i KPK (të vjetër) në lidhje me Nenin 23 të KPK (të vjetër) (në bashkëkryerje) në përputhje me rrethanat) dhe vepra të tjera penale.

“Kjo aktakuzë është ngritur nga ana e prokurorit pas një hetimi të gjatë dhe të ndërlikuar të Policisë së EULEX-it në bashkëpunim të ngushtë me Policinë e Kosovës”, thuhet në komunikatë./Indeksonline/