Nga vërshimet ka dëme edhe në Kamenicë (FOTO)

Pas reshjeve të vazhdueshme të shiut si dhe dëmeve të shkaktuara në terren, ekipet e Komunës së Kamenicës përkatësisht Drejtoria për Mbrojtje, Shpëtim dhe Emergjenca, si dhe Drejtoria e Shërbimeve Publike, janë duke punuar intensivisht në secilin lokalitet ku ka nevojë, thuhet në njoftimin e komunës.

I pari i komunës, Qëndron Kastrati, duke treguar se ekipet komunale janë gjatë gjithë kohës në terren, ai ka lutur qytetarët për bashkëpunim me institucionet komunale.

“Të dashur qytetarë, reshjet e mëdha të shiut kanë shkaktuar vërshime dhe dëme të konsiderueshme në disa lokalitete, në të cilat jemi duke punuar e intervenuar vazhdimisht. Ekipet komunale janë gjatë gjithë kohës në terren dhe të përgatitur për ndërhyrje aty ku ka nevojë. Ju lusim për qetësi dhe bashkëpunim me institucionet, derisa të qetësohet situata. Drejtoria për Mbrojtje dhe Shpëtim, Zjarrëfikësit dhe të gjithë akterët tjerë, janë gati për veprim! ”, ka thënë Kastrati.

Gjithashtu, gjashtë ekipe të Zjarrëfiksëve, janë duke intervenuar në bodrumet e shtëpive, aty ku ka nevojë. /2LONLINE.com/

Për çdo rast emergjent, lusim qytetarët që të lajmërohen në këta numra:
045549182,
080011010,
112.