Nga nesër ngritje temperaturash

Sipas Institutit Hidrometeorologjik të Kosovës nga dita e martë vendi ynë do të ndikohet nga masat e ajrit të cilat vijnë nga ana jugperëndimore e kontinentit. Këto masa do të ndikojnë në ngritjen e temperaturave minimale dhe maksimale.

Nga dita e mërkurë e deri të dielën do të mbajë mot i ndryshueshëm.

Temperaturat minimale do të lëvizin nga -3C deri 0C celsius, kurse maksimalet e ditës do të lëvizin nga 4C deri 6C celsius. Era nga jugu dhe jugperëndimi e lehtë deri mesatare, kurse nëpër disa lokalitete shpejtësia e erës do të kalojë mbi 10m/s.