Nga mesi i javës shi, nëpër male edhe borë

Situata meteorologjike vazhdon të mbetet e pandryshuar edhe për dy ditët e para të javës, me përjashtim të temperaturave minimale, të cilat pësojnë ulje të dukshme.

Sipas Institutit Hidrometeorologjik të Kosovës, temperaturat minimale sot dhe nesër do të luhaten nga 3C-7C, kurse maksimalet e ditës nga 18C deri 21 C. Shtypja atmosferike është 951 mb me tendencë të zbritjes, lagështia relative e ajrit në mëngjes ishte 92% e gjatë ditës do të zbresë në 52%, dukshmëria horizontale nga 1 km gjatë ditës do të arrijë në mbi 20 km, d.m.th. se nëpër lugina ka edhe mjegull. Do të fryjë erë nga jugu e lehtë me shpejtësi 1-2m/s.

Duke filluar nga e mërkura e tutje do të ketë shtim të vranësirave dhe reshje të dobëta shiu, kurse në viset malore me lartësi mbidetare mbi 850 m do të ketë edhe reshje të dobëta bore.

Temperaturat minimale do të luhaten nga 3C – 6C , kurse maksimalet e ditës nga 10C- 13C. Do të fryjë erë nga veriu me shpejtësi 1-7m/s.

Temperaturat minimale të ditës gjatë fundjavës do të ulen nga OC deri -1C