Nga e shtuna mot më i mirë

Sipas Institutit Hidrometeorologjik të Kosovës për sot parashihet të mbajë mot me vranësira të shpërndara dhe me diell. Temperatura minimale do të luhatet në mes 4C-6C, kurse maksimale e ditës pritet të arrijë nga 16C-18C. Do të fryj erë e lehtë nga ana e verilindjes e leht dhe mesatare.

Nga dita e enjte e deri të shtunën pritet të kemi shtim të vranësirave të cilat vende-vende do të shoqërohen edhe me riga të dobëta shiu. Temperatura minimale do të luhatet nga 6C – 8C , kurse maksimalet nga 16C-19C. Do të fryj erë nga ana e veriperëndimit me shpejtuesi 1-7m/s.

Nga dita e shtune pritet të kemi një stabilizim të motit, pasi që masat ciklonike do të zëvendësohen me masat anticiklonike, reshjet do të ndërpriten , kurse temperaturat minimale dhe maksimale do të pësojnë ngritje të lehta.