Vitamina D është një nga burimet kryesore të kalçiumit në trupin tonë, i cili ndihmon në ndërtimin e eshtrave të forta dhe parandalon sëmundjet. Është shumë e rëndësishme që njerëzit të marrin një sasi të nevojshme të vitaminës D, e njohur dhe si “vitamina e dritës së diellit”.
Vitamina D është thelbësore për sistemin imunitar dhe përmirëson ndjeshmërinë ndaj insulinës, humorin dhe fuqinë muskulore, redukton dhjamin në bel dhe mbon kundër sëmundjeve autoimune, si tipi 1 i diabetit, artriti reumatoid dhe skleroza e shumëfishtë. Disa studime, madje, sugjerojnë se nivelet e ulëta të vitaminës D mund të shtojnë rrezikun për kancer (përfshirë atë të gjirit) dhe demencë.
Ndryshimet sezonale në sasinë e vitaminës D janë të mirëdokumentuara. Një studim i bërë në Universitetin California-Irvine dhe Klinikën “Mayo” me 3.44 kampione gjaku amerikanësh gjeti se nivelet e vitaminës D në serum janë më të lartat në gusht, pas disa muajsh ekspozim ndaj diellit dhe më të ulëta në shkurt, për shkak të mungesës së dritës. Një studim në ShBA gjeti se 42% e grave kanë mungesa në vitaminën D.
Sa vitaminë D na duhet?
Shumë njerëz nuk kanë mjaftueshëm vitaminë D. Instituti i Mjekësisë në SHBA rekomandon 600 IU* në ditë për të rriturit, por shumë ekspertë besojnë se 1000-2000 IU janë optimale. Përpiquni ta merrni vitaminën D nga burime natyrore. Mnd të merrni 600 IU në ditë dhe pjesën tjetër me suplemente vitaminash D2 ose D3.
*IU i referohet Njësive Ndërkombëtare dhe përdoret për masën e barnave dhe vitaminave. Sipas fjalorit “VVebster”, IU është një sasi biologjke (p.sh., vitamina), e cila prodhon një efekt biologjik për të cilin është rënë dakord
Ushqimet e pasura me vitaminë D
Pak lloje ushqimesh përmbajnë vitaminë D. Disa burime ushqimore që përmbajnë sasi të mëdha të kësaj vitamine janë: peshku, skumbri, salmoni, sardelja, kërpudha të thata, e verdha e vezës, mëlçia, kërpudhat, kosi, lëngu i portokallit, qumështi, margarina dhe buka. Ekspertët mjekësorë në SHBA thonë që është e mjaftueshme që njerëzit ta marrin këtë lloj vitamine.