Nesër (e premte) mbahet seancë e jashtëzakonshme, në rend dite miratimi i buxhetit

Kryesuesja e Kuvendit të Komunës së Gjilanit, Krenare Latifi Kqiku, pas kërkesës së kryetarit të Komunës së Gjilanit, Alban Hyseni për seancë të jashtëzakonshme të kuvendit, për votimin e buxhetit të vitit 2026, ditën e premte, ka thirrur anëtarët e kuvendit në seancë.

Në këtë mbledhje, në rend dite kemi miratimin e buxhetit për vitin 2026 si dhe emërimin e nënkryetarit të komunës për komunitete.

Seanca, do të mbahet më 9 janar 2026, me fillim në orën 10:00, në Shkollën e Mesme të Agrobiznesit dhe Teknologjisë “Sahit Baftiu”. /2LONLINE/