Sukseseve të oficerëve të Forcës së Sigurisë së Kosovës i është shtuar edhe nëntoger Ymerdin Hasani, i cili ka përfunduar me sukses Kursin Bazik për Oficerë të Logjistikës në Army Sustainment University në Fort Gregg-Adams, ShBA.
Nëntoger Hasani gjatë këtij kursi ka treguar rezultate të larta në mesin e 70 oficerëve të Ushtrisë Amerikane dhe 5 oficerë ndërkombëtarë.
Ky kurs përgatit oficerë për të qenë të gatshëm të përballen me sfidat që paraqiten në fushën e logjistikës, si një nga fushat më të rëndësishme për qëndrueshmëri ushtarake të trupave në operacione.
